!بھائی لوگوں کی فیس بک

کل میں گوگل پر سرچ کرتے کرتے ایک ایسی ویب سائٹ پر جا  پونہچا جس پر بھائی لوگوں کا قبضہ تھا. میں یہ ویب سائٹ دیکھ کر کافی حیران ھوا کہ آرکٹ اور فیس بک کی کافی نہ تھیں کہ یہ ایک اور قبضے میں لے لی؟؟؟؟؟؟؟ ویسے تو عمران خان کی ویب سائٹ پر بھی آپ ہی کا قبضہ ہے. تا ہم سوچا کہ گھوم پھر کر دیکھ ہی لوں.زندگی کا کیا پتا!

ویب سائٹ پر ہر بھائی کی اپنی اپنی بیوی کی طرح اپنی اپنی پروفایل تھی. بھائی لوگوں کی پروفایل پکچرز پر گھوڑوں اور جہازوں کی تصویریں تھیں، جن پر انہوں نے متحدہ کے جھنڈے گاڑے ہوے تھے. انقلاب انقلاب کے نعروں والے پرچم علیحدہ تھے. یہ گھوڑے ایک پروفایل سے بھاگتے ہوے دوسری پروفایل پر جا رہے تھے. وہاں گھڑ سوار گھوڑوں سے اتر کر علاقے کے بگڑتے ہوے حالات پر بحث کر رہے تھے. طرح طرح کے تبصرے ہو رہے تھے. جنہیں سن سن کر ہم کانپ ہی رہے تھے کہ اچانک ایک طرف سے آواز آئ:     

"کراچی کے حالاات خراب کرنے والے اور اس کے ذمہ دار ذولفقار مرزا اور اسکی سرپرستی میں کام کرنے والی لینذ مافیہ ، ڈرگ مافیہ ، منشیات فروش اور دہشت گرد طالبان ہیں۔۔۔ "

پیر لندن  کا یہ فتویٰ سن کر ہمارے رونگٹے کھڑے ہو گئے اور ہم نے وہاں سے بھاگنے میں ہی عافیت جانی. کیوں کہ ہم کل ہی موصوف کی ایک ویڈیو یوٹیوب پر دیکھ رہے تھے جس میں پیر صاحب کچھ لوگوں سے بوریوں کا سائز مانگ رہے تھے.  ویسے بھی ہمیں پتا ہے کہ آج کل کراچی میں دہشت گردی عام ہے اور ہم دھشت گردوں کی لسٹ میں بھی شامل ہو سکتے ہیں. اور ابھی تو *سائٹ* پر ہمارے قدموں کے نشان بھی موجود ہیں. اگر ابھی کوئی یہاں آ نکلا تو ..........

یہ بھی شکر ہے کہ وہاں ویب سائٹ کی ٹریفک چیک کرنے کا کوئی انتظام نہ تھا. ورنہ جان نہ بھی جاتی تو کوئی بھائی ایزی لوڈ کے ذریے بھتہ تو مانگ ہی سکتا تھا. تاہم شکر ہے کہ جان بچ گئی.  کیا کہتے ہیں جی کہ جان ہی تو جہاں ہے. 

یہ ہمارا بھائی لوگوں سے دوسرا ٹکراؤ تھا، پہلا آرکٹ پر ھوا تھا، مگر یہاں کے اور آرکٹ کے بھائیوں میں کافی فرق دیکھا ہے . آرکٹ والے بھائیوں نے تو اپنی پروفایل پر جدید ترین اسلحے کی تصویروں کے انبار لگا رکھے تھے. جس سے ظاہر ہوتا تھا کہ *کام* کے وقت اکثر اسلحے سے شغل فرماتے ہیں. اس کے علاوہ آرکٹ پر عجیب و غریب گفتگو سننے کو ملتی تھی جو بھائی لوگ آپس میں کر رہے ہوتے تھے.

ہاں ایک بات تو آپ لوگوں کو بتانا بھول ہی گیا! کہ آتے وقت میں وہاں سے پیر صاحب کی ایک عدد تصویر بطور تبرک اٹھا لایا تھا. لیجئے آپ بھی ملاحظہ فرمایں.

اگر آپ بھی اپنی زندگی میں کبھی کسی بھائی یا بہن سے مل چکے ہیں یا آپ کی پاس ان کا دیا ھوا کوئی تحفہ، تمغہ یا میڈل موجود ہے تو ہمیں اس کی تصویر ضرور ارسال کریں. ہم آپ کی کہانی با تصویر پبلش کریں گے.. شکریہ

نوٹ: حساس جگہوں پر لگے ہوے میڈل والی تصویریں پبلش نہیں ہوں گی

بھائی لوگوں کے کارنامے جاننے کے لیے ہمارا بلاگ پڑھتے رہیے گا